North Gujrat News
સીસીટીવીના આધારે ઓળખ કરવામાં આવી, પાનોલી પોલીસની કાર્યવાહી
અંકલેશ્વર પાસે ટ્રાફિક પોલીસકર્મીનું મોત નીપજાવી ભાગેલો ટ્રક ડ્રાઇવર ઝડપાયો
નોર્થ ગુજરાત ન્યૂઝ | અંકલેશ્વર
અંકલેશ્વર નેશનલ હાઇવે પરના ટ્રાફિક નિયમન કરી રહેલાં પોલીસકર્મીને ટકકર મારી અજાણ્યો વાહનચાલક ફરાર થઇ ગયો હતો. આ ઘટનામાં પોલીસકર્મીનું મૃત્યુ થયું હતું.
અકસ્માત બાદ ફરાર થયેલ ટ્રક ચાલકને પોલીસે સીસીટીવી ફૂટેજના આધારે અંકલેશ્વર જીઆઇડીસીમાંથી કન્ટેનરના ડ્રાઇવરને ઝડપી પાડયો છે.
ગત રોજ અંકલેશ્વર નજીક નેશનલ હાઇવે નંબર 48 પર હિટ એન્ડ રનની માં ટ્રાફિકનું નિયમન કરી રહેલા પોલીસ કર્મી વિવેકસિંહ ડાભીને અજાણ્યા વાહન ચાલકે ટકકર મારી હતી, જેના કારણે તેમનું ઘટનાસ્થળે જ મૃત્યુ થયું હતું.
સુરતથી અંકલેશ્વર આવતા ટ્રેક પર દર્શન હોટલની પાસે રોંગ સાઈડ જતી ટ્રકને પોલીસ કર્મચારીએ રોકવાનો પ્રયાસ કર્યો હતો, પરંતુ ટ્રક ચાલકે ટકકર મારતાં પોલીસકર્મીનું મોત થયું. પાનોલી પોલીસે અજાણ્યા વાહન ચાલક વિરુદ્ધ ગુનો દાખલ કર્યો અને વધુ તપાસ હાથ ધરી.
માર્ગ પર આવેલી હોટલ અને ટોલ પ્લાઝાના સીસીટીવી ફૂટેજમાં ટ્રક ચાલકની શંકાસ્પદ હિલચાલ જોવા મળી. આ ટ્રક અંકલેશ્વર જીઆઇડીસીમાં હોવાની માહિતી મળતાં પાનોલી પોલીસે દરોડો પાડી ટ્રકના ડ્રાઇવર વિપીનકુમાર ઉર્ફે બબલું અશોકકુમારની ધરપકડ કરી હતી અને તેની પૂછપરછ શરુ કરી હતી.
પોલીસે ગણતરીના કલાકમાં આરોપીને ઝડપી પાડી જેલ ભેગો કર્યો હતો.
0 ટિપ્પણીઓ